Српската кошаркарска репрезентација доби нов селектор, Душан Алимпијевиќ е именуван за наследник на Светислав Пешиќ на кого не му беше продолжен договорот по неуспехот на Евробаскетот.

Алимпијевиќ, кој потпиша договор на три години, важи за млад и амбициозен стратег со солидно меѓународно искуство. Во своето досегашно тренерско портфолио собра искуство во Еврокупот и Евролигата, а во 2022 година беше прогласен за тренер на годината во Еврокупот.

Во моментов го води турскиот гигант Бешикташ, а првите предизвици на селекторската позиција ќе ги има во ноември. Србија тогаш ги започнува квалификациите за Светското првенство во 2027 година, каде што ќе се натпреварува во група со Турција, Босна и Херцеговина и Швајцарија.

Дебито на Алимпијевиќ на селекторската позиција е закажано за 27 ноември против Швајцарија, а три дена подоцна го очекува пресметка со БиХ.

Преземено од: Спорт.ком.мк