Поради лошите резултати беше прашање на време кога управата на Лидс ќе направи промена, а најновата доаѓа на позицијата менаџер на клубот.

Лидс и оваа сезона се бори за опстанок во елитата, екипата веќе пет натпревари не знае за победа, по што донесена е одлука за прекин на соработката со Хави Грасија, досегашниот менаџер на клубот, а си замина и спортскиот директор на клубот, Виктор Орта.

Како замена за Грасија, на клупата доаѓа Сем Алардајс, добро познатиот 68-годишен стратег, кој нема ангажман уште од 2021 година.

Претходно беше менаџер на Блекпул, Нотс каунти, Болтон вондерерс, Њукасл јунајтед, Блекбурн роверс, Вест хем јунајтед, Сандерленд, Кристал палас, Евертон, Вест Бромвич Албион, а беше и селектор на англиската репрезентација.

Популарниот „Биг Сем“ ќе има за задача во последните четири премиерлигашки кола да му донесе опстанок на Лидс. Алардајс своето деби на клупата ќе го има в сабота на гостувањето кај Манчестер сити.