Раде Стојановиќ, селекторот на македонската младинска ракометна репрезентација, има нов тренерски предизвик и од следната сезона ќе го води Тримо Требње.

Стојановиќ доаѓа на клупата на словенечкиот клуб како наследник на досегашниот стратег на екипата, Урош Зорман.

Претходно Стојановиќ на клупски план ги водеше и Металург, ГРК Охрид, Катар Спорт и Тиквеш.

Воедно како нов голман на Тримо Требње е промовиран Урбан Лесјак кој до сега ги бранеше боите на РК Еурофарм Пелистер.

– Ветувам дека ќе бидеме екипа која ќе се бори. Целите остануваат исти како и во изминатите години. За мене историјата се повторува во Требње, Стане Север ме донесе пред многу години тука како играч, а сега неговиот син Миха како тренер – рече Стојановиќ.