Од следната сезона (2022/2023) менаџерите во Премиер лигата ќе имаат право на пет замени во текот на натпреварите, официјално беше потврдено во четвртокот.

Во соопштението на Премиер лигата се наведува дека клубовите се договориле за промена на правилата околу замената на играчите.

Исто така на состанокот во четврток е договорено летниот преоден рок да започне на 10 јуни и да трае до 1 септември 2022 година.

Променети се и мерки против ширење на коронавирусот. Од 4 април, играчите и стручниот штаб повеќе нема да се тестираат двапати неделно, туку ќе се тестираат само оние кои чувствуваат симптоми.

Останатите промени вклучуваат укинување на медицинските пасоши за пристап до претходно забранетите области.

– Благосостојбата на играчите и стручниот штаб останува приоритет, а Премиер лигата ќе продолжи да ја следи националната ситуација со коронавирусот и да ги приспособува протоколите низ лигата по потреба, во согласност со најновите инструкции од јавните здравствени власти и медицинските експерти – се вели во соопштението.

Premier League Shareholders met today and discussed a range of matters.

Clubs agreed to change the rules relating to substitute players. From next season, clubs will be permitted to use five substitutions.

Full statement: https://t.co/Ub985Gl3Lj pic.twitter.com/T27WXiXbUM

— Premier League (@premierleague) March 31, 2022