Големо и искусно засилување ангажираше романскиот ракометен клуб Динамо Букурешт, поранешниот играч на Металург и Вардар, Лука Циндриќ (30).

Хрватот сега ги бранеше боите на Барселона чиј дрес го носеше четири сезони. Со каталонскиот гигант успеа двапати да ја освои Лигата на шампионите (2021 и 2022 година), а еднаш со Вардар во 2017 година.

Претходно средниот бек настапуваше и за полскиот Кјелце и во својата земја за ХРК Карловац.

Со најдобрата хрватска репрезентација се закити со два медали од европските првенства, сребро во 2020 и бронза во 2016 година.

Во новата сезона Динамо Букурешт ќе настапува и во ЕХФ Европската лига, се наоѓа во групата „Г“ заедно со Фуксе Берлин, Шамбери и Извиѓач.