Македонскиот репрезентативец Тихомир Костадинов има нов клуб, тоа е Пјаст Гливице со кој потпиша договор до 30 јуни 2025 гоидна.

Костадинов (25) досега ги бранеше боите на словачката екипа на Ружомберок чиј дрес го носеше од 2017 година со 104 настапи и 11 погодоци.

Претходно беше дел уште од Моравац Мрштане, Тетекс, Дукла Банска Бистрица и Вион Злате Моравце.

Пјаст Гливице настапува сезонава во најсилното првенство на Полска („Екстракласа“) и моментно е на 12 место со 23 бодови.

– Ова беше лесна одлука за мене. Ова е чекор напред во мојата кариера. Пјаст е голем клуб и полската Екстракласа е силна лига, така што ова ќе биде предизвик и едвај ги чека првите тренинзи. Доаѓам во клуб кој не така одамна го освои шампионатот. Сакам да постигнувам голови за клубот, помогнам во текот на натпреварите – вели Костадинов за клупскиот сајт.