Oд редовите на Наполи денеска и официјално го потврдија ангажманот на Антонио Конте кој ќе го води тимот во наредната сезона.

Со Наполи Конте потпиша договор до 2027 година и ќе се обиде да го врати овој тим во врвот на италијанскиот фудбал. Клубот од Неапол имаше очајна сезона во која не успеа да се избори ниту за излез во европските натпреварувања.

„Наполи е место со големо значење. Среќен сум и возбуден што ќе работам тука. Тоа што можам да го ветам е дека ќе дадам се од себе за напредок на тимот“, изјави Конте.

Наполи во сезоната во која ја бранеше титулата во Серија А смени три стратези (Руди Гарсија Валтер Мацари, Франческо Калцона) и резултатите беа под очекувањата.