Уште една голема фудбалска ѕвезда нема да биде дел од Светското првенство кој ќе стартува в недела со натпреварот меѓу домаќинот Катар и Еквадор (17.00 часот).

Актуелниот светски шампион Франција нема да може да смета на најдобриот фудбалер на планетата, Карим Бензема, официјално информираа од француската фудбалска федерација.

Напаѓачот на Реал Мадрид на тренингот на „триколорите“ ја обновил повредата на бутот што ја заработи на натпреварот од Лигата на шампионите против Селтик.

Ова е само продолжување на проблемите за францускиот селектор Дидие Дешан кој на СП во составот ќе ги нема и Кристофер Нкунку, Преснел Кимпембе, Мајк Мењан, Н`Голо Канте и Пол Погба.

Бензема, освојувачот на „Златната топка“, за селекцијата на Франција до сега одигра 97 натпревари и постигна 37 голови. Ова ќе биде воедно првиот Мундијал од 1978 година на кој нема да настапува најдобриот фудбалер на светот за таа година.

View this post on Instagram

A post shared by Karim Benzema (@karimbenzema)

– Во мојот живот никогаш не сум се откажал… но вечерва морам да мислам на тимот како што отсекогаш сум правел, така што причината ми кажува да го препуштам моето место на некој кој може да ѝ помогне на нашата група да направи одлично Светско првенство. Ви благодариме за сите ваши пораки за поддршката – стои во објавата на Бензема на својот Инстаграм профил.

Christopher Nkunku
Presnel Kimpembé
Karim Benzema
Mike Maignan
N’Golo Kanté
Paul Pogba

NOT available for France ???#WorldCup2022 #Qatar2022

— Fabrizio Romano (@FabrizioRomano) November 19, 2022

СП 2022 | Тасевски: Бразил е меѓу фаворитите за титулата, но ваквите тимови се соочуваат со огромен притисок