Од денеска на фудбалскиот клуб Тиквеш е посилен за Христијан Малески, кој доаѓа како позајмен играч од актуелниот македонски шампион Струга Трим Лум.

Овој 21-годишен играч есенската полусезона настапуваше како позајмица во редовите на Брера Струмица.

За составот на Брера настапи на вкупно 10 првенствени натпревари и еднаш се запиша во листата на стрелците.

Малески со Струга Трим Лум ја освои титулата во Првата лига, а во својата кариера беше и дел од екипите на Велешта, Караорман и Новаци.

Малески во тимот на Тиквеш доаѓа како позајмен играч до крајот на оваа сезона. По завршувањето на есенскиот дел во шампионатот екипата од Кавадарци после 18 кола е на седмата позиција на табелата со 22 бодови.