Еден од најдобрите голмани на светот, Никлас Ландин (33) исто така ќе биде дел од амбициозниот проект на данскиот Алборг.

Данскиот чувар на мрежата, кој досега ги бранеше боите на Кил, во летото 2023 година ќе го облече дресот на Алборг потпишувајќи договор на четири години.

Ландин ја започна кариерата во редовите на ГОГ, а потоа од 2010 до 2012 година настапуваше за Силкеборг.

– Имав фантастични години во Германија, но сега имам семејни обврски кои бараат од мене да се вратам во Данска. Го гледам Алборг како се развива, го посетив неколку пати и видов одлична атмосфера во „Шпаркасен Арена“. Тоа ме импресионираше и се радувам што ќе бидам дел од тој проект – рече Ландин.

Дресот на Алборг веќе го облече Арон Палмарсон, а наскоро ќе му се придружи Микел Хансен кој ја заврши сезоната во ПСЖ.