Бојан Маџовски (29 години, висок 184 см), македонскиот репрезентативец, и досегашен член на РК Еурофарм Пелистер од Битола официјално е нов ракометар на Ловќен.

Нашето лево крило потпиша договор на една година со црногорскиот клуб со можност за продолжување на уште една година.

Станува збор за играч кој има искуство со играње во најдобрите европски клупски и репрезентативни натпреварувања со Металург, Пелистер и со македонската репрезентација.

Во Цетиње доаѓа како слободен играч и е засега е единствениот интернационалец.

Во новата сезона РК Ловќен ќе настапува во групите на ЕХФ Европската лига, ќе игра во групата „Е“ со Кадетен, Елверум и Флензбург.