Претседателите на САД и Кина, Џо Бајден и Си Џинпинг одржаа долгоочекуван виртуелен самит.

Американскиот претседател ја нагласи потребата од заштитни мерки за да се избегне конфликт меѓу двете земји, додека Си Џинпинг се залагаше за подобра комуникација, пренесе утрово Ројтерс.

Бајден рече дека конкуренцијата меѓу двете земји не треба да ескалира во конфликт, а самитот се одржа во услови на спор меѓу Вашингтон и Пекинг за состојбата во Тајван, но и за трговијата и прашањата за човековите права.

„Кина и САД треба да ја подобрат комуникацијата и соработката“, рече Кси, додавајќи дека е „среќен“ што се сретнал со „стар пријател“ за прв пат преку видео врска, бидејќи претходните разговори биле телефонски.

Средбата започна во 19.45 часот по Вашингтон (00.45 часот по средноевропско време).

Белата куќа соопшти дека очекувањата од средбата не се големи и дека тие не треба да доведат до конкретни резултати.

Кинеската дипломатија во понеделникот објави дека Кси и Бајден ќе имаат „чесна, длабока и сеопфатна размена на мислења“ за билатералните односи, кои се на „критичен крстопат“.