Собраниската Комисија за економски прашања, на чиј дневен ред беа предлозите на законите за реализација на стратешките инвестициони проекти во енергетиката по скратена постапка, е одложена.

На календарот на собраниската веб страница, иако првично беше најавена, тргната е седницата на Комисијата за економски прашања на која како точки на дневен ред беа предлозите на законите за реализација на стратешките инвестициони проекти „Соларен парк Стипион“, Соларна електрична централа – Пехчево, АИМ ГРЕЕН ТЕЦХи МИТИЛИНЕОС когенеративна постројка Скопје, сите по скратена постапка.

Инаку, вкупната предвидена вредност на четирите стратешки инвестиции е 786 милиони евра. Само онаа за изградба на ветерниот парк „Стипион“ на локацијата на неизградениот карго аеродром во Штип, ќе обезбеди 10 отсто од потребите за струја на државата. Компанијата инвеститор АКУО се грижела да не нанесе штета на земјоделците и се откажала од 160 хектари земјиште, а се преговара за уште 10 хектари плодно земјиште, кое не е приватно, ами го користат земјоделците од тој крај.

Најголеми придобивки се енергетската независност и замена на увозот на струја – Македонија ќе добие четири енергетски стратешки инвестиции

Во Собранието денеска, како што е најавено, седници ќе одржат комисиите за политички систем и односи меѓу заедниците и за локална самоуправа, а две седници ќе одржи и Законодавно правната комисија.

На дневен ред на Комисијата за политички систем и односи меѓу заедниците е Предлогот на закон за конфискација на имот во граѓанска постапка, по скратена постапка, а Комисијата за локална самоуправа ќе ја проследи презентацијата на извештаите од оценката на спроведувањето на Законот за локалната самоуправа и Законот за Градот Скопје.