Одличен летен рецепт: Брза пита од тиквички и сирење без кори која ќе ве воодушеви
Сезонско, убаво и – малку поинакво. Добрата стара пита во овој рецепт ја задржала својата форма, но состојките и филот не се толку вообичаени за оваа класика на балканската кујна. Всушност, никој што ги растегнува корите за пита не би го нарекол ова јадење пита, но вкусот и аромата на овој деликатес се уникатни!
Препорачано
Брзата пита со тиквички и сирење без кори е одличен одговор за спарните денови и вечери и метежот во текот на работната недела. Можете да го послужите како предјадење, прилог или главно јадење.
Состојки:
– 2 мали тиквички, рендани
– 300 грама рикота сирење
– 100 грама посно сирење
– 1 шолја брашно
– 2 јајца
– 2 чешниња лук, сечкани
– 1 црвен кромид, сечкан
– 2 лажици маслиново масло
– 1 лажичка прашок за печиво
– црн пипер
– сол
– 2 лажици магдонос, свежо сечкан
Подготовка:
Загрејте ја рерната на 180 степени.
Откако ќе ги изрендате тиквичките, оставете ги да отстојат околу 15 минути за да се исцеди вишокот вода.
На загреано маслиново масло пропржете го кромидот и лукот неколку минути.
Во сад измешајте ги сите состојки.
Садот за печење премачкајте го со масло или обложете го со хартија за печење, па во него рамномерно распоредете ја смесата.
Печете околу 30-40 минути и проверете со чепкалка дали е печено.
