Македонската одбојкарска репрезентација не се пласира во осминафиналето на Европското првенство завршувајќи ги настапите како петтопласирани во групата Ц.

Судбината на одбојкарите кои во последните два натпревари остварија две големи победи над Белорусија и над Словенија, ќе играат во осминафиналето не беше во нивни раце, туку одлуката ја донесоа Турција и Финска.

Одбојкарите за да се најдат во осминафиналето на ЕП, зависеа од Турција, која не смееше да загуби или пак да победи со 3:2 против Финска. Но, за наша жал, Финска на крајот славеше со 3:2 во сетови и токму двете репрезентации ги продолжуваат настапите на ЕП, додека „спартанците“ се враќаат во Македонија.

Одбојкарите со крената глава ги завршуваат настапите, одиграа фантастично на дебитантскиот настап на Европските првенства, забележувајќи двете победи, над Белорусија и Словенија.