Избраниците на селекторот Никола Матијашевиќ после победата во првиот пријателски меч, на вториот се поразени од Австрја со 3:1.

Првиот сет го освоија Австријците со 25:19, па успеавме да израмниме на 1:1 во сетови (25:21). Наредните два сета со ист резултат 25:20 ги доби Австрија за поставување на конечниот епилог, а наш вкупно петти пораз летово во серијата тест дуели како подготовка пред учеството на континенталниот собир.

Успеавме да триумфираме еднаш против селекцијата на Шведска, славевме над Бугарија на традиционалниот турнир „Чајка“ во Скопје и споменатата победа во Ст. Полтен против Австријците.

Сега „црвено-жолтите“ целосно можат да се фокусираат на ЕП, да потсетиме групната фаза ќе ја играат во арената „Стожице“ во Љубљана.

Се наоѓаме во група со Финска, Белорусија, Турција, Русија и Словенија. Првиот меч ќе го играме против Финците на 12 септември со почеток од 17.30 часот. Првопласираните четири селекции ќе играат во осминафиналето на шампионатот.