Во дербито на третото коло на машкиот одбојкарски турнир, Русија во три сета го совлада бранителот на титулата Бразил. Во дуелот на последните два олимписки шампиони, руските одбојкари потврдија дека се наоѓаат во одлична форма и по третото коло имаат максимални три победи.

За разлика од дуелите со Аргентина и САД, овој пат Русите не му дозволија на противникот да освои барем еден сет, со 25:22,25:20 и 25:20 го совлада Бразил.
Русија е лидер со три победи, додека Бразил и САД имаат скор 2:1 во групата Б и речиси сигурно ќе играат во четвртфиналето.

Во групата А, по две победи, денеска пораз доживеа Иран и тоа од Канада со убедливи 3:0 (25:16,25:20,25:22) и ја закомпликува ситуацијата на табелата. Полска го потврди статусот на фаворит против Венецуела и славеше со 3:1.
По три кола, дури четири репрезентации во групата А имаат по две победи и еден пораз, Послак, Јапонија, Иран и Италија.