Русија бара да биде укината забраната од светската фудбалска куќа (ФИФА) за да ги игра натпреварите од баражот за Светското првенство во Катар подоцна овој месец.

Спортскиот арбитражен суд во Лозана (CAS) во вторникот го отфрли барањето на Фудбалската федерација на Русија за суспендирање на санкциите што УЕФА ги воведе против руската репрезентација и клубовите поради агресијата врз Украина.

Одлуката се однесува само на натпреварувањата на УЕФА, а Русија сепак сака да ја укине забраната на ФИФА за плејоф натпреварите во мундијалскиот бараж.

Од Лозана најавија дека ќе донесат одлука за тоа „до крајот на оваа недела“.

Претходно од ФИФА одлучија дека Полска директно ќе оди во финалето каде за противник ќе игра против Шведска или Чешка.