Во завршна фаза е проектот за изградба на првата училишна спортска сала во населбата Хром во рамки на подрачното ООУ „Димитар Поп Георгиев – Беровски“. Градоначалникот на Општина Ѓорче Петров, Александар Стојкоски, вели дека од септември се очекува учениците конечно да имаат нов, модерен и по сите стандарди простор за физичко образование и спортски активности – нешто што го немале никогаш досега.

Салата е целосно опремена со гардеробери, санитарии и потребна инфраструктура. Инвестицијата е вредна 19.730.000 денари со ДДВ.  Ова е реализација на едно од најголемите ветувања кон жителите на Хром – и дел од поширокиот план за подобрување на условите во образованието.  Паралелно, во ова училиште се реализира и нова инвестиција од 1.500.000 денари за нов влез со пристапна рампа, скали и патека, простор за нова трпезарија и кујна – вели Стојкоски.

Покрај ова, како што информира градоначалникот, се врши и реновирање на стариот дел од училиштето, се прошируваат ходниците и се санираат оштетените делови на покривот.