„Секоја година заболувам од грип, така што помислив дека повторно е грип“, рече Веи за шангајскиот весник.

Кинескиот центар за превенција и контрола на болестите соопшти дека во јануари луѓето со коронавирус се заразени од диви животни кои на пазарот Хуанан се продаваат како храна.

Веи изјави дека работела на пазарот во времето додека била болна. Таа подоцна отишла во болница во Вухан на преглед кај друг лекар.

„Лекарот во 11. болница не можеше да сфати што е во прашање и ми даде лекови“, рече Веи и додаде дека не и било подобро ниту од тие лекови.

Се вратила во клиниката во која прво е прегледана, и добила засилена доза инјекции.

„Се чувствував уште полошо, малаксано, без сила“, рече таа.

Веи на 16. декември отишла во една од најголемите болници во Вухан за да ја утврди причината за болеста. Лекарот во болницата и рекол дека болеста од која боледува е „немилосрдна“ и дека примиле повеќе пациенти, кои биле на пазарот Хуанан, со слични симптоми.

„Тогаш многу луѓе имаше во болницата“, рече Веи.

Според изјавата на Советот за јавно здравје на градот Вухан, објавена на 31. декември минатата година, Веи е една од првите 27 пациенти на кои им е дијагностициран Ковид- 19. Меѓу тие 27 пациенти, 24 биле поврзани со пазарот на кој се продаваат домашни и диви животни. Во изјавата е кажано дека не се пронајдени докази дека ковид-19 се пренесува од човек на човек.

И покрај сите овие факти, идентитетот на правото лице заразено со ковид-19, „нултиот пациент“ се уште не е познат.

Иако Веи е првата личност од пазарот Хуанан кај која е утврдена заразата со коронавирусот, како прв пациент се наведува 70-годишен пензионер прикован за кревет. Овој човек симптомите ги почувствувал на први декември, а претходно не бил во контакт со пазарот од каде почна да се шири смртоносниот вирус.

Еден друг кинески весник, меѓутоа пишува дека доверливи владини информации покажуваат дека на 17. ноември идентификувана е првата личност кај која е дијагностициран ковид-19. Седум недели после тоа кинеските официјални лица објавија дека откриле нов вирус. Карантинот е воведен во одредени градови дури два месеци откако е препознаен првиот пациент.

Необјавените податоци покажуваат дека кинеските офцијални лица пред 31. декември идентификувале најмалку 266 лица кои се заразиле со коронавирус. Во тоа време локалните власти во Бухан казниле група лекари кои сакале да предупредат дека болеста потсетува на САРС, односно тежок акутен респираторен синдром.

Кинеските официјални лица изјавија дека првиот пациент заразен од коронавирусот се појавил на 7. декември.

Пекинг ги отфрла тврдењата дека Вухан е извор на пандемијата, а водачот на тимот експерти за здравствена заштита минатата недела таквите тврдења ги нарече недгороворни.

„Епидемиајта на коронавирусот настана во Кина, во Вухан, но тоа не значи дека Вухан е нејзиниот извор“, рече д-р Зонг Наншен.

Пандемијата од коронавирусот галопира по светот, само вчера бројот на заразени ширум планетата е зголемен за 62.000. Вкупно заразени има повеќе од 530.000 луѓе, од кои, според податоците на Универзитетот „Џон Хопкинс“ повеќе од 122.000 оздравеле од ковид – 19, додека 24.000 ја загубија битката за живот.