Управителот на Секторот комунална хигиена при „ЈКП Тетово“ Даут Мемиши најави дека од февруари на граѓаните ќе има доаѓаат нови комунални сметки во кои ѓубрарината ќе се пресметува според квадратурата на станот, а не како досега паушално. Уверува дека тоа нема да значи поспаки сметки.

„Ова ќе почне да се применува од февруари и веќе од катастар ги имаме податоци кој каде живее и според квадратурата на станот или куќата ќе се наплаќа. Некој што е 6-члено семејство плаќал поголема цена, а трошел помалку вода, сега според квадратурата на станот цената ќе биде пореална. Со локалите има неколку цени, малите субјеки ќе плаќаат помала цена, поголеми поголема сума. Ова ќе биде и пилот-проект да видиме како ќе се реализира, целта е да не се наштети на граѓаните. Инаку од февруари ќе се започне на терен да работи словенечка компанија која ќе има обврска да го подига и транспортира комуналниот смет, ќе имаме нови контејнери и нови камиони, рече Даут Мемиши претседател на Советот на Општина Тетово.

Претседателот на Советот на Општина Тетово Бесарт Дурмиши на денешната седница се пофали дека општината работи во интерес на граѓаните и најави инвестиции во градската водоводна мрежа стара еден век.

„Ќе има физибилити студија за реконструкција на градската водоводна мрежа, материјалите на местата каде има загуби на вода ќе се сменат, мислам на цевките и друга пропратна инфраструктура.Ние изготвиме нов план за Клиничката болница Тетово согласно интересите на граѓаните, а не за доброто на урбаната мафија. Имаме нов план за катна гаража во урбан блок 32, се работи за 800 паркинг места, ова ќе се реализира со јавно-приватно партнерство, целата процедура ќе биде транспарентна“, рече претседателот на Советот на Општина Тетово Бесарт Дурмиши.