Во една детска градинка во југозападна Јапонија почнале да исчезнуваат детски чевли, а крадецот не оставал никакви траги. Надлежните не можеле да разберат зошто крадецот зел еден чевел – а не пар, па решиле да постават камери за надзор во ходниците, пишува „Гардијан“.

Водачите на предучилишна установа во градот Кога, во префектурата Фукуока, верувале дека камерите ќе помогнат да се идентификуваат прекршителите. Не чекале долго. Чевелот на следното дете исчезнало во ноќта помеѓу 11 и 12 ноември. Веднаш ја прегледале снимката, верувајќи дека на неа ќе биде крадецот.

На нивно изненадување, виновникот немал две, туку четири нозе, како и портокалово крзно и остри канџи.

Испаднало дека една ласица упаднала во детската градинка земајќи чевли, а нејзината последна „акција“ траела само 10 секунди.

Локалните медиуми јавуваат дека директорката на градинката повикала полиција на почетокот на ноември, по исчезнувањето на 15 чевли. Следниот ден украдени се уште три, а останатите се расфрлани на подот.

„Бевме многу загрижени, но ни олесна кога сфативме дека се работи за ласица“, изјавиле вработените.

Професорот Хироши Сасаки од Универзитетот Чикуши Јогакуен верува дека животното најверојатно имало потомство и ги користело чевлите за да го заштити гнездото пред зимата.

Останува непознато каде се исчезнатите чевли, додека од градинката најавуваат дека сега како превентивна мерка ги покриваат полиците со чевли во ноќните часови.