Екипата на Арсенал го потврди првото засилување во овој преоден рок и тоа е одличниот чувар на мрежата, Кепа Аризабалага.

Како што беше најавено, лондонскиот клуб издвои пет милиони фунти за да го доведе шпанскиот голман кој ќе биде резервна опција на Давид Раја. Челси одамна не сметаше на Кепа, кој изминатите две сезони ги мина како позајмен фудбалер во Реал Мадрид и Борнмут, а сега конечно доби постојан ангажман.

Кепа стави потпис на договор со важност до летото 2028 година. Овој трансфер се очекува да биде само почеток во најавените заилувања за Арсенал кој треба да пристигнат во наредниот период.