Од Алмерија лути по мечот со Реал: Тоа што се случи ги надмина сите граници
Реал Мадрид синоќа по пресврт го совлада „фенерџијата“ Алмерија со 3:2 на домашен терен во 21 коло од „Ла Лига“ и со тоа остана на „минус еден“, со меч помалку од лидерот на табелата Жирона.
Препорачано
Сè што се случуваше на стадионот „Сантијаго Бернабеу“ предизвика бројни коментари, со денови ќе се зборува за судењето, а општ впечаток е дека Реал имаше голем „ветер во грб“ на патот до целосен пресврт, кој го направи со голот на Дани Карвахал во 100 минута.
?️ AUDIO REVISIÓN VAR
?️ Jornada 21 | Primera División
⚽️ @realmadrid ? @U_D_Almeria | 67'#ArbitrajeRFEF | @CTARFEF pic.twitter.com/N0qzo3Y0O2
— RFEF (@rfef) January 21, 2024
Контроверзи предизвикаа пенал за Реал, поништен гол на Алмерија, гол со рамо или рака на Винисиус, а потоа и дури 11 минути судиско надополнување.
Во Алмерија, која е последна на табелата со само шест бода и е единствената екипа без победа во шпанското првенство, немаат дилема и сите едногласно кажаа дека беа „украдени“ на мечот.
Almeria fume at referees in 3-2 loss at Real Madrid: ‘The game was stolen from us’ https://t.co/bRpzg2ZNXq
— Modric D’or (@FantasticZidane) January 22, 2024
– Заминуваме со чувство дека ни го „украдоа“ натпреварот. Не можеа да сторат повеќе од ова за да му помогнат на Реал. Нема шанси да го прифатиме ова. Тоа што се случи ги надмина сите граници. Најлошото е што мислат тоа што се случи е во ред. Многу ме боли, Ла Лига е светлосни години далеку од Премиер лигата – изјави Гонзало Мелеро, првотимецот на Алмерија.
Во критиките се приклучи уште еден фудбалер на Алмерија, Едгар Гонзалес.
– Другата екипа можеше да му каже што било на судијата додека играчите беа на еден метар од него, а ние не смеевме. Има многу разлики. Разбирам дека тие се Реал, а ние сме Алмерија, но ова натпреварување треба да биде фер за сите. Во вториот гол имаше очигледно играше со ракомет, а немаше пенал. Сите одлуки одеа во корист на Реал – рече Гонзалес.
