Основното јавно обвинителство во Скопје во кратко соопштение информира дека постапува по известувањето доставено од СВР-Скопје и издало неколку наредби според кои веќе се преземаат дејствија во врска со бесправните градби во Општина Чаир.

Во меѓувреме, градоначалничката на Скопјe, Данела Арсовска, продолжи со обвинувањата и објавувњето видеоснимките во врска со, како што вели, дивоградбите и фалсификувањето документи кои според неа раководителката на Чаир ги испратила до Катастарот како „позитивни мислења“, иако Градот дал негативно мислење.

„Основното јавно обвинителство во Скопје постапува по известувањето доставено од СВР-Скопје и издаде неколку наредби според кои веќе се преземаат дејствија во врска со бесправните градби во Општина Чаир“, информира Обвинителството во врска со тврдењата на градоначалничката Арсовска.