Кошаркарскиот тим на Партизан и официјално го загуби на „зелена маса“ вториот натпревар од финалната серија во Суперлигата на Србија. Црвена Звезда така дојде до 2:0 и го освои трофејот.

Од Кошаркарскиот сојуз на Србија денеска ги соопштија и казните за надлежните во Партизан. Најголема казна доби Жељко Обрадовиќ кој е суспендиран на четири натпревари.

Казната за Обрадовиќ значи дека ако следната сезона Партизан биде дел од Суперлигата тој нема да го води тимот во полуфиналето и една или две средби во финалето.

Ситуацијата е ваква затоа што Партизан и Црвена Звезда поради обврските во АБА и Евролигата имаа сигурно учество во полуфиналните серии. Иста санкција како Обрадовиќ заработи и тим-менаџерот Лука Виликиќ.