Објавено зошто на Северина ѝ е одземено старателството: Пејачката веднаш испрати отворено писмо до Врховниот суд
Врховниот суд во Хрватска му го врати старателството на српскиот бизнисмен Милан Поповиќ над синот Александар, што значи дека целосно ѝ е одземено старателството на хрватската пејачка Северина Вучковиќ. Оваа вест ја шокираше јавноста од целиот регион, а Северина веќе неколку пати проговори и порача дека ќе се бори „до последната капка крв за своето дете“.
Препорачано
Сега, Врховниот суд ја објави одлуката за старателството над синот на Северина и Милан. Имено, со оваа одлука на Врховниот суд е поништена пресудата на Жупанискиот суд во Сплит, со која се одлучи дека синот, за кој родителите имаат заедничко старателство, ќе живее со мајката, пишува „24сата.хр“.
Судот, како што сега беше јавно објавено, го прифати барањето за ревизија поднесено од Милан Поповиќ. Тој истакна дека Жупанискиот суд во Сплит не ги испитал усно вештаците, иако тој тоа конкретно го побарал.
Според одлуката на Врховниот суд, тоа резултирало со значителна повреда на одредбите од парничната постапка. Советот на Врховниот суд смета дека е направен пропуст токму во тоа што вештаците не биле поканети на рочиштето во Жупанискиот суд во Сплит и покрај барањето на една од странките.
„Мора да се заклучи дека штом една од странките побарала вештакот усно да се сослуша на рочиштето и ги прецизирала околностите под кои е предложено рочиштето, без разлика што таа претходно генерално изјавила дека нема забелешки на наодите и мислењето на вештакот, дошло до повреда на одредбите од парничната постапка. Затоа второстепената пресуда е укината и предметот е вратен на повторно судење во Жупанискиот суд во Сплит“, се наведува во решението.
Пејачката неколку пати се огласи на својот инстаграм-профил за оваа одлука, а откако јавно беше објавена одлуката Северина реши да напише отворено писмо до Врховниот суд.
„Почитуван Врховен суд…Значи, имајќи предвид дека јавно ја објавивте вашата одлука пред да ми биде доставено решението, јавно ви одговарам. Јас сум С. В. (а не С. К., како што сте напишале во одлуката). Мајката на која ѝ го зедовте детето, со цел да се исправи „нерамномерната судска пракса“ и „процедуралните грешки“ во постапката што заврши пред две и пол години. Процедуралната грешка се состои во тоа што, според вас, судскиот совет во постапката за старателство требаше да ги слушаат експертите кои го пишуваа извештајот речиси една година (а требаше да биде готов за еден месец).
Значи, и двајцата вештаци, Грошиќ и Дијаниќ, кои, инаку, последен пат го виделе моето дете пред три и пол години, не ги објаснија усно своите наоди, велите. Тие беа повикани на суд. Дијаниќ се правдаше дека била болна, а стручњакот Грошиќ дека е когнитивно неспособен. Своето нејавување на суд го оправда, цитирам: ‘Поради недостиг на когнитивни и интелектуални способности, поврзани токму со конкретниот случај’. Буквално со тие зборови. Се прашувам дали можеби бил когнитивно неспособен кога го правел извештајот или кога го испраќал? Но тоа е друга тема…
Па, дозволете ми да ви објаснам, Врховен суд, есента 2021 година, експертот Владимир Грошиќ ме покани во паркот Максимир во 21:00 часот, бидејќи џогира таму, објаснувајќи дека не може да ме прими во болница. Бев преплашенa, но отидов поради мојот син. Потоа ми кажа дека барал изземање од предметот бидејќи му се заканувале. Ми кажа дека му се заканувале дека ќе остане без работа, дека знаеле каде учи неговата постара ќерка и дека се плаши за своето дете.
Таа ја објави и преписката со вештакот, а под фотографиите се обрати и до претседателот на Врховниот суд.
„Почитуван Врховен суд и почитуван добар господине претседателе Доброниќ, гледам дека вашата пресуда ја ставивте на веб-страницата на вашата институција и ја испративте до медиумите, иако, како што се вели – анонимизирана, односно со иницијали, со кои наводно сакате да го заштитите детето и странките во постапката. Бидејќи на детето му го дадовте името А.П., претпоставувам дека не се работи за Андреј Пленковиќ, туку за моето дете, затоа ве замолувам да го прочитате моето отворено писмо. Воедно, безобразно сте заборавиле дека јас не сум С.К., туку С.В., што е една од вашите „процедурални грешки“.
View this post on Instagram
