Американската академија за филмски уметности и науки денеска ги соопшти овогодинешните номинации за Оскарите, филмските награди кои секоја година се доделуваат како признание за одличноста на професионалците од филмската индустрија, вклучувајќи глумци, режисери и сценаристи.

Филмот „The Power of the Dog“ освои дванаесет номинации, „Dune“ има десет номинации, а „Belfast“ и „West Side Story“ добија по седум номинации.

Овогодинешното 94. издание на оваа престижна манифестација ќе се одржи на 27 март, традиционално во театарот Долби во Холивуд.

Во продолжение, прочитајте ги дел од номинациите:

Најдобар филм:

„Belfast“
„CODA“
„Don’t Look Up“
„Drive My Car“
„Dune“
„King Richard“
„Licorice Pizza“
„Nightmare Alley“
„The Power of the Dog“
„West Side Story”

Најдобар режисер:

Кенет Брена, „Belfast“
Рајуске Хамгучи, „Drive My Car“
Пол Томас Андерсон, „Licorice Pizza“
Џејн Кемпиен, „The Power of the Dog“
Стивен Спилберг, „West Side Story“

Најдобра актерка:

Џесика Частејн, „The Eyes of Tammy Faye”
Оливија Колман, „The Lost Daughter”
Пенелопе Круз, „Parallel Mothers”
Никол Кидман, „Being the Ricardos”
Кристен Стјуарт, „Spencer”

Најдобар актер:

Хавиер Бардем, „Being the Ricardos“
Бенедикт Камбербеч, „The Power of the Dog“
Ендру Гарфилд, „Tik Tik Boom!“
Вил Смит, „King Richard“
Дензел Вашингтон, „The Tragedy of Macbeth“

Најдобра споредна актерка:

Џеси Бакли, „The Lost Daughter“
Аријана Дебос, „West Side Story“
Џуди Денч, „Belfast”
Кирстен Данст, „The Power of the Dog“
Анџану Елис, „King Richard“

Најдобар спореден актер:

Киран Хајндс, „Belfast“
Трој Котсур, „CODA“
Џеси Племенс, „The Power of the Dog“
Ј.К. Симонс, „Being the Ricardos“
Коди Смит-Мекфи, „The Power of the Dog“

Целата листа со номинации можете да ја прочитате тука.