Скопското Обвинителство поведе постапка против 28-годишна жена осомничена за обид за убиство. Пред два дена, во домот на улицата „Борис Бојаџиски“ во скопската населба Ѓорче Петров, таа се обидела да ја убие бабата на својот сопруг, со која живее во семејна заедница, наведуваат од ОЈО.

Според информациите од Обвинителството, додека 87-годишната баба одморала во една од собите, снаата ја заклучила вратата, седнала врз неа и со перница врз главата се обидела да ја задуши, во исто време удирајќи ја со тупаници по главата. Престанала кога мислела дека ја убила и за тоа му кажала на сопругот, кој веднаш повикал полиција.

Бабата била пренесена во болница, каде ѝ биле констатирани нагмечување на главата и вилицата, како и хематоми.

До судот доставен е предлог за определување мерка притвор за насилничката.