Стартуваа подготовките на најдобрата македонска фудбалска репрезентација за првите два натпревари од квалификациите за пласман на Светското првенство во 2026 година.

На 22 март избраниците на селекторот Благоја Милевски во Вадуц ќе играат против Лихтенштајн, а четири дена подоцна ќе го пречекаат Велс.

Во една мирна атмосфера на стартот од подготовките, поради трагедијата во Кочани, фудбалерите ја споделуваат тагата со семејствата и блиските на настраданите.

Фудбалската федерација на Македонија (ФФМ) објави слика на нашата А селекција од првиот тренинг и со објава:

– Обединети во тагата! Со срце исполнето со болка и спомен ја споделуваме тагата со семејствата и блиските на настраданите. Нивниот светол дух ќе живее во нас. Нека почиваат во мир – Македонска А репрезентација.