Пјер-Емерик Обамејанг, фудбалерот на Барселона е многу блиску до враќање во Лондон, поточно кариерата според најавите ќе ја продолжи во Челси, градскиот ривал на Арсенал чиј дрес го носеше четири години.

Обамејанг му се приклучи на тимот од Каталонија на последниот ден од зимскиот преоден рок во 2022 година, а само седум месеци подоцна прашање на време е кога ќе се врати во главниот град на Англија за да ги помине лекарските прегледи и официјално го потпише договорот со лондонските „сини“.

Барса за интернационалецот од Габон треба да добие 14 милиони евра плус одбранбениот играч Маркос Алонсо, објави италијанскиот новинар Фабрицио Романо.

Обамејанг за Барселона одигра 23 натпревари со 13 гола и една асистенција.

Во кариерата настапуваше и за Борусија Дортмунд, Сент Етјен, Монако, Лил, додека кариерата ја започна во јуниорските категории на италијанскиот Милан.

? Chelsea and Barcelona have now reached an agreement in principle for Pierre Aubameyang! €14m fee plus Marcos Alonso to Barça included — now finalizing details. ? #CFC

Aubameyang is expected to fly to London in the upcoming hours, once details are resolved. pic.twitter.com/ehCYYpfcgF

— Fabrizio Romano (@FabrizioRomano) September 1, 2022