О2 иницијативата со писмо до Заев и Пендаровски: Армијата и полицијата да се вклучат на терен за заштита на животната средина (ФОТО)
Од граѓанската иницијатива О2 на својот Фејсбук профил денеска напишаа дека испраќаат отворено писмо до претседателот Стево Пендаровски и премиерот Зоран Заев, каде што бараат припадници на армијата и полицијата да се вклучат во заштита на здравјето и животната средина, при спречување на пожарите во шумите и депониите.
Препорачано
Прочитајте ја целосната Фејсбук објава:
„Има ли пилот во авионот?
Секојдневно пожари, од сметилишта, депонии, шуми, дишеме отров.
Ни гори драгоцена шума, национални паркови во пламен.
Имаме ли ние институции што треба да се грижат за нашата безбедност и здравје? Според она што се случува на терен изгледа немаме или мислат дека ситуацијата не е доволно алармантна?
Колку и да се трудат инспекторите да излезат на терен, отсуството од координирани акции со МВР, допринесува да нема никаков ефект. Граѓаните се уморни од постојано пријавување без ефект, пожарникарите самите знаат како успеават да постигнат, инспекторите оние малку што се на терен ја ризикуваат својата безбедност.
Денес испраќаме отворено писмо, заедно со Skopje Smog Alarm, Eco Guerilla, BITOLA SAKA CIST VOZDUH!!!, AirCare – Air Quality App, НЕ БИДИ ЃУБРЕ, Здравје пред профит во Центар, Група граѓани Визбегово, Fridays For Future Skopje, Ние сме Карпош 4, ЕкоКарпош 3, 2,1
до претседателот на државава, Stevo Pendarovski и до претседателот на Влада Zoran Zaev.“
Бараме припадници на армијата и полицијата – во координација со сите капацитети на Дирекцијата за заштита и спасување, Регионалните центри за управување со кризи, Општинските штабови за заштита и спасување, Државниот инспекторат за животна средина, Државниот комунален инспекторат, Инспекторат на Град Скопје и инспекторатите на општините – активно да се вклучат во заштита на нашето здравје и живот, заштита на животната средина, заштита на нашите права загарантирани со Устав и закони.“
