Нутриционистите: Додавањето на ова семе во вашата исхрана го подобрува здравјето на срцето
Многу луѓе не внесуваат доволно важни омега-3 масни киселини кои го штитат здравјето на срцето, особено ако не јадат риба неколкупати неделно.
Препорачано
За среќа, постои едноставен начин да го зголемите внесот на овие здрави масти, а тој е погоден и за секоја диета.
Ова мало семе лесно може да се додаде во разни јадења како што се салати, смути или појадок, а само една лажица може да ја задоволи дневната потреба за омега-3 масни киселини.
„Омега-3 масните киселини се неопходни за здравјето на луѓето. Тие помагаат во подобрување на маснотиите во крвта, намалување на триглицеридите и намалување на воспаленијата, што ги штити крвните садови од оштетување“, објаснува нутриционистката Мишел Рутенштајн за „Парада“.
Покрај омега-3, лененото семе е богато со лигнани, витамини, минерали и влакна, што може да го намали ризикот од хронични болести.
Диететичарот Киран Кембел додава дека лигнаните имаат антиоксидантни својства кои можат да го намалат крвниот притисок и да го подобрат профилот на масти во крвта.
Лененото семе содржи и магнезиум, кој помага во регулирањето на крвниот притисок и отчукувањата на срцето, како и на многу диетални влакна.
Рутенштајн истакнува дека растворливите влакна ги регулираат холестеролот и триглицеридите, додека нерастворливите влакна помагаат во одржувањето на нормално ниво на шеќер во крвта и здрава телесна тежина“.
Лененото семе има благ вкус на јаткасти плодови и лесно може да се додаде во салати, јогурти, житарки, смутија…
Покрај тоа, лененото семе може да помогне во контролата на шеќерот, намалувањето на воспаленијата, подобрувањето на симптомите на менопауза и здравјето на дигестивниот систем, па дури може да придонесе и за подобар изглед на кожата.
Меѓутоа, пред да вклучиме ленено семе во нашата исхрана, важно е да обрнеме внимание на неколку работи.
Рутенштајн советува дека за максимална корист, семето треба да се консумира мелено, бидејќи цели семки можат да поминат низ дигестивниот систем несварени.
Исто така, се препорачува постепено зголемување на внесот поради високата содржина на влакна, а луѓето кои земаат лекови за разредување на крвта или имаат воспалителна болест на цревата треба да се консултираат со лекар.
„Овие мали семки можат да имаат големо влијание. Со додавање ленено семе во вашите оброци, можете да го долготрајно да го поддржите здравјето на срцето“, заклучува Кембел.
