И покрај несогласувањата на некои експерти кои ги истакнуваат можните врски помеѓу месото и одредени болести, како што се проблеми со срцето, нутриционистот од Харвард, Џорџија Еде, тврди дека месото е добро за нас, пишува „ЦНБЦ“.

„Всушност, ниту една друга група на храна не е доволно хранлива, безбедна или географски достапна за да се препорача како здрава основа за оптимална човечка исхрана“, вели Џорџија.

Таа наведува дека долго време ја интересирала врската помеѓу храната и здравјето на мозокот, како и целокупната благосостојба. Во своето истражување, таа допрва треба да најде кредибилен и убедлив здравствен аргумент против јадењето месо од секаков вид, вклучувајќи црвено месо, морска храна и живина.

Така, кога би можела да си дозволи да купи храна само од една група на храна, таа открива дека повеќе би сакала месо.

Месото ги обезбедува сите потребни хранливи материи кои не можеме да ги добиеме од исхраната базирана на растенија. Месото е добро за здравјето на цревата бидејќи лесно се вари и поддржува здрави нивоа на инсулин без да предизвика скокови во гликозата во крвта. Исто така, ги обезбедува сите потребни макронутриенти, вклучително и оние кои тешко или невозможно се добиваат од растителна храна.

На пример, тој е одличен извор на сите витамини од групата Б, вклучувајќи го и Б7, кој растенијата го содржат многу малку и Б12, кој растенијата воопшто не го содржат.

„Самото месо содржи хем железо, форма на железо што се апсорбира најмалку трипати полесно од нехем железото во растенијата“, вели нутриционистката.

Таа посочува дека е важно да се избере здраво и свежо месо, но доколку немаме пристап до висококвалитетно месо треба да го избереме најдоброто што можеме.

Исто така, тоа не треба да биде исклучиво црвено месо; школки, риба и живина се многу хранливи алтернативи. Џорџија советува месото да се подготвува полека, а не набрзина и на високи температури, бидејќи тоа може да ги оштети хранливите состојки и вкусот.

„И, конечно, не претерувајте бидејќи прејадувањето протеини може да предизвика повисоки нивоа на инсулин“, заклучи Џорџија Еде.