Сѐ поочигледно е дека рестриктивните без преседан, со кои, поради пандемијата од ковид-10, затворани се цели земји се грешка, се наведува во анализата на американскиот весник „Њујорк пост“.

И покрај нешто повисокиот смртен биланс, епидемијата во САД по своите размери беше приближно еднаква на двете претходни епидемии, во текот на кои немаше карантински мерки и затворање на училиштата, канцелариите, фабриките, рестораните и музеите, се наведува во анализата.

Никој, како што се истакнува, не размислувал за забрана на славниот фестивал во Вудсток, истакнува авторот на текстот, во кој се потсетува дека во тоа време, односно во 1969 година, владеела хонгконшката треска.

Меѓутоа, Американците денеска можеби имаат поголема доверба во надлежните, а освен тоа, чувствуваат поизразена потреба да бидат заштитени, тврди авторот.

Поради тоа, како што се наведува, после застрашувачките вести од, со пандемијата тешко погодената Италија, дел од населението само почна да се дистацира од опасноста од зараза, а претераните проекции на некои епидемиолози доведоа до барање властите нешто да преземат по повод сето тоа.

Тоа предизвика некои погрешни чекори, како што се барања на гувернерите на одредени американски држави и домовите за стари лица да примаат заболени од ковид-19, што за некои штитеници било кобно, се потсетува во анализата.

Иако со рестриктивните мерки е намален бројот на заразени од коронавирус, од истата причина намален е и бројот на извршени онколошки дијагностички постапки, третман на срцевите болни и советување за зависниците од наркотици, што предизвика висок, иако тешко проценлив смртен биланс, истакнува авторот.

Тоа се некои од причините поради кои се појавија мислења дека применетите рестриктивни мерки биле преостри и прескапи, а дека долготрајниот карантин, пропратен со економските последици, ќе има огромен ефект по јавното здравје во април, предупреди и претседателот на САД Доналд Трамп, потсетува авторот.

Додека кај не толку богатите луѓе економската штета од затворањето на земјата е во ранг на онаа од времето на Големата депресија, луѓето како што се сопственикот на Амазон, Џеф Безос и основачот на Фејсбук Марк Цукерберг станаа побогати за десетина милијарди долари, се наведува во текстот, со заклучок дека обидите за елиминирање на еден од ризиците всушност може да ги зголеми другите.