Океанскиот брод удри во санта мраз од десната страна што отвори смртоносна „дупка“, дозволувајќи им на моќните ледените води на Атлантикот да го потонат бродот. Потона за нешто помалку од три часа, а околу 1.500 луѓе ги загубија животите бидејќи чамците за спасување не биле доволни да се спасат сите луѓе на бродот.  За трагедијата да биде уште поголема чамците за спасување биле полнети со двојно помалку луѓе од што било дозволено.

„Титаник“  потона на 15 април 1912 година и остана познат 110 години по трагедијата, помогнат од блокбастерот на Џејмс Камерон од 1997 година.

Се појави најновата снимка од потонатиот Титаник и покажува нешто што луѓето досега не го виделе. Истражителите кои го снимиле го нарекоа најдоброто видео од потонатиот брод досега. За прв пат бродот бил пронајден по 73 години откако удрил во ледениот брег што го потопил, а за тоа е заслужен еден  пензиониран офицер на американската морнарица и професорот по океанографија д-р Роберт Балард.

Деновиве тимот на „Ocean Gate Expeditions“ објави неверојатни 8K видеа на нивниот канал на YouTube, откривајќи го познатиот лак, сидро и други карактеристики на бродот.

„Еден од најневеројатните клипови покажува еден од поединечните котли кои паднале на дното на океанот кога Титаник се скршил на два дела во 1985 година“- истакнал Рори Голден од „Ocean Gate Expeditions“.

Снимката од „Ocean Gate Expeditions“ ги покажува остатоците и брзината на тонењето на бродот, но некои од карактеристиките на „Титаник“  сè уште се препознатливи за луѓето ширум светот.

 

View this post on Instagram

 

A post shared by OceanGate Expeditions (@oceangateexped)

Еден од нив е ознаката „Noah Hingley & Sons“ врежана на сидрото. Голден додаде:

„Возбудливо е што, по толку многу години, можеби откривме нов детаљ што не беше толку очигледен со претходните генерации на технологии за камера“- истакнал Голден.