Ла Лига и Фудбалскиот сојуз на Шпанија денеска официјално го одбија барањето на Барселона за регистрација на Дани Олмо и Пау Виктор, иако вчерашните најави на медиумите во Шпанија беа поинакви.

Од Ла Лига информираат дека Барселона не успеала да ги покрие трошоците во буџетот и да добие дозвола за регистрација на двајцата фудбалери. Барселона се надеваше дека со продажбата на местата во ВИП ложата ќе успее да собере пари, но и ова барање на раководството на каталонскиот гигант е одбиено.

Во ситуацијата во која се наоѓаат Олмо и Пау Виктор имаат можност бесплатно да заминат во друг клуб, но и да одат на позајмица, па во наредната да се вратат во Каталонија.

Има право Барселона и на жалба, меѓутоа судот во Шпанија веќе им одби две жалби.