Тинејџерите кои се трајно исфрлени од училиште имаат двојно поголема веројатност да извршат сериозно насилство во рок од една година по исклучувањето од оние кои се само суспендирани. Ова го покажа новата опсежна анализа на полициските и образовните досиеја спроведена од истражувачи од универзитетите во Хал и Бристол.

Владините податоци објавени во ноември минатата година открија дека во текот на есента учебната 2023-2024 година имало 4.200 трајни исклучувања од училиште во 2018 година, што е зголемување за повеќе од една третина во споредба со истиот период претходната година, објави „Гардијан“.

Студијата, објавена во „Британски весник за криминологија“ (British Journal of Criminology) од истражувачи од универзитетите во Хал и Бристол, следела повеќе од 20.000 млади луѓе кои биле избркани од средно училиште, користејќи полициски досиеја. Податоците потоа биле споредени со друга група од 20.000 деца кои имале исто образовно искуство, етничка припадност и социјално потекло и биле суспендирани исто толку пати, но никогаш не биле избркани од училиште.

Истражувачите откриле дека во рок од една година, избрканите деца имале повеќе од двапати поголеми шанси да извршат сериозно насилно кривично дело отколку нивните врсници кои биле на истиот пат да бидат избркани, но не биле.

Во групата на исклучени деца имало 990 тешки насилни кривични дела и 20 убиства или обиди за убиства во 12 месеци по исклучувањето, во споредба со 500 тешки насилни кривични дела и помалку од десет убиства во групата која избегнала исклучување од училиште. Единицата за намалување на насилството во Лондон, која беше формирана за да се справи со бројот на тинејџери кои умираат од злосторства со нож во британската престолнина, рече дека новото истражување е првиот директен доказ за „јасната врска помеѓу децата кои се исклучени од училиште и вмешаноста во насилство“.