Сирењето има богата кулинарска историја, а луѓето го прават повеќе од 4.000 години. Денес постојат 2.000 сорти, па логично е да се запрашаме: кое е најздравото сирење?

Раните студии ја потврдија врската помеѓу високиот внес на заситени масти од млечните производи и зголемениот ризик од срцеви болести. Сепак, полномасните млечни производи можеби не се толку нездрави како што се мислеше, според најновите истражувања.

Преглед на студии од 2023 година заклучи дека сирењето е „богато со хранливи материи“ и има „неутрални до умерени придобивки за здравјето на луѓето“.

– Иако содржи заситени масти, сирењето содржи корисни хранливи материи како протеини и калциум – вели нутриционистката Натали Ризо за „Тудеј“.

На пример, едно парче чедар има пет грама заситени масти, но и седум грама протеини и обезбедува 14 отсто од препорачаната дневна вредност на калциум. Освен тоа, сирењето содржи витамини А и Б. Кое сирење е најздраво?

– Би рекол дека најздравиот избор е свежото сирење. Содржи помалку заситени масти и повеќе протеини од повеќето други сирења – напоменува Ризо.

Половина шолја немасно свежо сирење има:

– 90 калории
– 12 грама протеини
– 2,5 грама масти
– 5 грама јаглехидрати
– 125 милиграми калциум (10 отсто од дневната вредност)

На второ место се меките сирења како што се рикота или моцарела, кои се направени од немасно или обезмастено млеко, па затоа имаат помалку заситени масти и генерално се поздрави.

– Тврдите сирења како пармезан, чедар и швајцарското се природно имаат помалку лактоза, така што луѓето кои се чувствителни (нетолерантни) на лактоза може да имаат корист од изборот на тие производи.

– Генерално, секое сирење е добро во умерени количини, а хранливата содржина варира само малку помеѓу сортите – порачува Ризо.