Новиот сој на коронавирусот потврден во Словенија: Брзо се шири, ова се симптомите
Најновите податоци од Националната здравствена лабораторија во Словенија покажуваат дека меѓу примероците позитивни на коронавирус, кои се секвенционирани помеѓу 24 март и 7 април, ја потврдиле и новата подваријанта на омикрон XBB.1.16. односно арктурус. Новите симптоми како чешање, конјунктивитис и висока температура се појавуваат таму каде што веќе е откриена варијантата, но досега не се забележани сериозни компликации.
Препорачано
Според Светската здравствена организација (СЗО), најновата подваријанта е слична на доминантната варијанта на омикрон XBB.1.5., но има „дополнителна мутација во протеинот на шилецот, а во лабораториските студии е утврдено дека е позаразна и попатогена“, објави СЗО.
Иако тоа може да значи дека би можело да се шири побрзо, нема индикации дека ќе предизвика потежок тек на болеста, додаваат тие.
XBB.1.16., односно, арктурус предизвикува многу проблеми во Индија, каде што бројот на активни случаи постојано се зголемува во последните недели.
Во некои делови од земјата повторно е воведено задолжителното носење маски, а тамошниот министер за здравство повика на помасовни тестирања и превентивни мерки во болниците.
Педијатар во Индија и поранешен шеф на Одделот за имунизација на индиската академија за педијатрија, Випин Вашишта, забележал меѓу симптомите кај децата појава на нови симптоми, главно висока температура, кашлица и конјунктивитис кој чеша, без гној, но со „леплива очи“. Ова не беше забележано во претходните варијанти.
#Arcturus XBB.1.16 led surge continues in India: UP getting momentum, deaths are also mounting.
A new sublineage spotted in few states: XBB.1.16+NS3_V13L (Delhi becoming hotspot)New Cases: 12,591?19%
New Deaths: 40Tests: 2,30,419?4%
TPR: 5.46%Graphics: @RajlabN https://t.co/40GwRvFR3c pic.twitter.com/2lOFueR0js
— Vipin M. Vashishtha (@vipintukur) April 20, 2023
СЗО во мартовскиот извештај рече дека арктурус станал доминантен вид во Индија, но техничката водачка на СЗО за ковид-19, Марија Ван Керхове, предупреди дека не е забележана промена во сериозноста на случаите кај поединци или кај населението.
Update on Omicron XBB.1.16 provided by @WHO‘s @mvankerkhove pic.twitter.com/k5IcvbAjMb
— Mrigank Shail, MD (@mrigankshail) April 3, 2023
Нагол пораст поради споменатата подваријанта е забележан и во САД, Канада, Сингапур, Австралија и Јапонија. Меѓу другите, откриен е во Данска, Германија, Шпанија, Холандија и Шведска, како и во Италија.
