Јужнокорејскиот претседател Ли Џе-мјунг денес положи заклетва, ветувајќи дека ќе ја обедини поделената нација, ќе ја оживее економијата и ќе води дипломатија врз основа на националните интереси.

Ли го започна својот петгодишен мандат без преоден период порано во текот на денот, победувајќи на предвремените избори по импичментот на поранешниот претседател Џун Сук-јеол поради неговиот неуспешен обид за воведување воена состојба во декември, објави Јонхап.

„Без оглед на тоа кого поддржавте на овие избори, јас ќе служам како претседател на сите“, рече Ли во својот инаугуративен говор за време на церемонијата одржана во Националното собрание.