Експертите во детската болница во Трст, „Бурло Гарофоло“, откриле нова мутација на ковид-19 кај две заразени девојчиња, пишува агенцијата „АднКронос“.

Студија спроведена во соработка со Универзитетот во Милано потврди дека станува збор за многу заразен, агресивен мутант.

Според објавените резултати од истражувањето, мутираната варијанта на вирусот предизвикала повторна инфекција кај неколку возрасни лица кои веќе биле заразени.

„Најзагрижувачи е тоа што постои можност е дека мутациите на вирусот можат да го намалат имунитетот создаден кај луѓе кои биле заразени, како и да ја поништат или намалат отпорноста на коронавирусот стекнат со вакцинација“, рече професорката Манола Комар, микробиолог од Универзитетот во Трст, кој ја водеше студијата.