Неодамна, во САД беше поднесена тужба во која се тврди дека Снепчет (Snapchatе) е опасна социјална мрежа за младите луѓе и омилена мрежа на сексуални предатори. Слични заклучоци може да се извлечат и врз основа на најновата публикација на Британското национално друштво за спречување на суровост кон децата, која се базира на извештајот на 45 полициски станици.

Според податоците на полицијата, во текот на 2023/2024 г. евидентирани се повеќе од 7.000 дејствија на сексуална комуникација со деца, што е зголемување за речиси 90 проценти во однос на периодот 2017/2018 година. Сексуалните предатори најчесто комуницирале со деца преку Снепчет, а на таа социјална мрежа се забележани повеќе од 1.800 случаи на додворување, што е вид на комуникација со која предаторите ги мамат децата. Потоа им ласкаат и се обидуваат да се зближат и да создадат врска со децата, за подоцна да бараат од нив интимни фотографии (со кои можат да ги уценуваат) , а некои дури сакаат да ги запознаат своите жртви во живо- пишува Телеграф.рс.

Како изгледа додворувањето опиша 14-годишно момче чиј прв разговор со предатор бил сосема нормален.

Тој рече дека тие само разговараат и ја опиша личноста како некој што му дал голема поддршка. Но, по еден месец тој човек почнал да го притиска и сакал да му докаже дека не е геј, па почнал да му испраќа експлицитни фотографии, поради што го замолил да го стори истото. И покрај тоа што не сакал, му праќал фотографии, поради што се чувствувал лошо и не сакал повеќе да го прави тоа, но потоа почнала уцената и предаторот му се заканил дека ако не му испрати нови фотографии интимните слики им ги испраќаше на сите што ги познава. Она што е особено страшно е тоа што најмладата жртва имала само пет години, што е уште едно предупредување до сите родители кои на своите деца им даваат телефони и социјални мрежи без никаков надзор.

Снепчет секако, не е единствената социјална мрежа каде е забележано вакво однесување. Предаторите ги демнат младите луѓе и на други платформи, користејќи Вацап, Фејсбук, месинџер(по 12 отсто), додека нешто помалку користат Инстаграм, каде што се забележани 6 отсто од вкупните случаи.

Жртви на додворување на интернет се претежно девојчиња. Осум од десет пријавени случаи се девојчиња. Како што објасни за медиумите 13-годишно девојче од Глазгов, причината за популарноста на Снепчет меѓу предаторите се првенствено пораките што исчезнуваат бидејќи им олеснува на луѓето да кријат работи што не треба да ги прават, а ја спомена и локацијат така што ако децата не се внимателни, лесно е да се открие каде се.

„Искрено на Снепчет не се сите правила толку строги, што некои луѓе ги користат и прават лоши работи“, објасни таа.

Снеп реагираше на извештајот, коментирајќи дека „секоја сексуална експлоатација на деца е страшна и незаконска“, и дека тие не толерираат такво однесување. Доколку препознаат такво однесување или некој го пријави, преземаат чекори за да ги спречат таквите луѓе да создадат нови проблеми и ги пријавуваат на властите.

Експертите често ги предупредуваат родителите за бројните опасности кои им се закануваат на нивните деца на интернет, но честопати и самите родители не се свесни за сите овие опасности. Овој извештај нека биде уште едно предупредување дека со децата треба постојано да се разговара и да им се објаснува дека во виртуелниот свет треба да бидат многу внимателни кога разговараат со непознати лица и дека никогаш и никогаш не треба да им испраќаат свои интимни фотографии.