Паметните и инвентивни Германци веќе лансираа понуда за едноноќни кампови во областа Валдшут ова лето, со цел да го искористат моменталниот бум во кампувањето и во исто време да го потиснат растечкиот број на диви кампери, пишува „Пословни.хр“.

„Земјоделците, приватниците и заедниците ги ставија своите ливади и паркинг места достапни за шатор или кампер за една ноќ и понудија дополнителни услуги како што се санитарни јазли, простор за скара и огревно дрво, појадок или ужина. Камповите за една ноќ брзо создадоа широка мрежа на едноставни и природни сместувачки капацитети за планинари, велосипедисти и кампери, со што ја надополнија понудата на официјални кампови во регионот“, известува Јерко Сладољев од Топ Кампинг во Пореч.

До крајот на оваа година, вели Сладољев, концептот ќе се прошири на цела Шварцвалд, а според некои извори и на цела Германија. Со цел да се доближат туристите до природата, создадена е дигитална платформа која прикажува повеќе од 1.700 паркинг места со информации за контакт, како и кампови и места за шатори. Италија пред три години покрена слична иницијатива со концептот на послободно кампување наречено „Гарден кампување“.