Голем скандал го потресе италијанскиот фудбал во понеделникот, откако во телото на играчот на Јувентус, Пол Погба, по редовната допинг контрола беше пронајдена недозволена супстанца, пренесува „Дејли Мејл“.

Францускиот играч за врска беше тестиран по натпреварот помеѓу Јувентус и Удинезе, а во таа прилика во неговата крв беше откриен тестостерон.

Оваа супстанца е на листата на забранети, а како што пренесуваат италијанските медиуми, на Погба му се заканува и суспензија до четири години.

Она што е специфично за тестостеронот е што се наоѓа на листата на супстанции со нулта толеранција, а не е дозволен ниту за терапевтски цели.

Поради ова, кариерата на Погба е дури и загрозена, бидејќи моментално има 30 години и максималната казна би значела дека нема да биде на теренот до 34 години.