Пред самиот почеток на сезоната Реал Мадрид остана без услугите на Тибо Куртоа, а по вчерашниот прв натпревар „кралевите“ изгледа на подолг период останаа и без Едер Милитао.

Куртоа ги скина лигаментите и го чека пауза од седум-осум месеци, а можеби слична е ситуацијата и со бразилскиот дефанзивец. Милитао предвреме го заврши натпреварот против Атлетик Билбао, теренот го напушти со помош на медицинските лица.

Првичните информации не се добри и се прогнозира дека станува збор за истата повреда која ја заработи и Куртоа.

„Милитао заработи повреда на коленото и не изгледа добро. Дали и тука станува збор за лигаментите? Не можеме ништо да исклучиме“, одговори Анчелоти на прашањето од новинарите.

Ќе потсетиме, Реал сезоната ја започна со триумф на гостински терен од 0:2.