Младите кошаркари на Македонија до 16 години претрпеа уште еден убедлив пораз сега од Шпанија со 92-38 и така продолжија со лошите настапит на Европското првенство во Белград.

Шпанците беа далеку подобри на теренот и сосема заслужено славеа убедливо, а Македонија се држеше само некаде до пред крајот на првата четвртина. Веќе на стартот противникот дојде до двоцифрена предност и во продолжение тоа водство само растеше.

До крајот на првиот дел Шпанија постигна 42 поени, додека ние застанавме на десет, па така вториот дел го стартувавме со негатива од 22 поени.

Сликата не се промени ниту во вториот дел, напротив доминацијата на Шпанија беше уште поизразена за на крајот да загубиме со огромни 54 поени разлика.

Единствениот во нашите редови кој стигна до двоцифрен број поени беше Дарјан Димовски (13), Никола Јаничиќ „броеше“ до шест. По овој пораз за нас останува само борбата за од 9 до 16 место на првенството.

Во претходните четири натпревари подобри од Македонија беа: Литванија (137-62), Грција (83-55) и Србија 89-59.