Женската ракометна репрезентација на Норвешка обезбеди пласман во полуфиналето на олимпискиот турнир во Токио откако во четвртфиналето ја совлада Унгарија со 26:22. Пласман во полуфиналето обезбеди и Русија односно Рускиот олимписки комитет кој ја победи Црна Гора со 32:26.

Унгарките иако ја имаа улогата на аутсајдер на натпреварот, одиграа храбро и без комплекси против главниот фаворит за златниот медал. Натпреварот до самиот крај, до последните 10-тина минути беше израмнет, но тогаш Катрин Лунде имаше четири одбрани по што беа постигнати три гола од контри за водство од 24:21 кое беше доволно за да се дојде до победата. Кари Бретсет со седум постигнати голови беше најпрецизна кај Норвешка, додека Сандра Солоши постигна пет гола за Унгарија.

Противник на Норвешка во полуфиналето ќе биде Русија која ја совлада Црна Гора со 32:26.
Најзаслужни за победата на Русија беа Ана Вјахирева со осум голови, Полина Кузњецова со пет и Дарија Дмитриева со четири гола.
Кај Црна Гора одлична партија имаше Јованка Радичевиќ која даде 10 голови.