Норвешката фудбалска федерација закажа состанок на кој ќе одлучува дали ќе го бојкотира идното Светско првенство во Катар 2022 година. Состанокот е закажан за 20. јуни, а ова го потврди претседателот на Федерацијата, Терје Свенсден.

– Го закажавме датумот на кој ќе дискутираме за бојкот на Светското првенство во Катар. Ќе ги разгледаме сите аспекти по ова прашање и можниот бојкот. Не знам точно во кој состав ќе разговараме на оваа тема, но тоа ќе биде широка група од луѓе со авторитет кои мора да ги земеме во предвид за ова прашање – изјави Свенсден.

Иницијативата за бојкот на Мундијалот во Катар ја започнаа неколку норвешки екипи меѓу кои е и најтрофениот тим Розенборг, а во Данска постои иницијатива за бојкот која ја покренаа навивачите.
Неодамна холандска компанија одгледува трева за фудбалски терени и соработува со ФИФА и УЕФА, објави дека нема да ги понуди своите услуги на организаторот на СП 2022 година.
Причината за иницијативата за бојкот е поради тоа што Катар е земја каде се кршат човековите права, а според информациите на меѓународните организации загинати се повеќе 6.500 мигранти кои работеа на изградба на стадионите во Катар.

Норвежаните ќе го бојкотираат Мундијалот во Катар!?

Повеќе од 6.500 мигранти загинаа за време на подготовките за СП Катар 2022!