
Норвежаните ова лето ќе останат во земјата, затворени границите до август
До 15. јули би требало да се размисли и за дозвола за влез на државјани од уште неколку европски земји.
Норвешка најверојатно ќе ги задржи рестрикциите врзани за патувањата до 20 август, рече денеска премиерката Ерна Солберг. Норвешкире рестрикции за патувања вклучуваат службени препораки да не се патува во странство освен ако не е неопходно, 10 дневен карантин за оние кои доаѓаат од странство и забрана за влез во земјата на оние кои не се државјани на Норвешка или немаат дозвола за престој или работа во оваа земја, објави Ројтерс.
Препорачано
„Не сакаме да ги задржиме рестрикциите подолго од потребното“, рече Солберг и додаде дека нејзин совет до луѓето е годишните одмори да ги планираат во Норвешка.
Инаку, денеска трите балтички земји, Естонија, Летонија и Литванија ги отворија меѓусебните граници, но нордиските земји уште разговараат за тоа. Норвешка би можела да ги ублажи забраните и од 15. јуни да дозволи доаѓање на државјани на Данска, Шведска, Исланд и Финска. До 15. јули би требало да се размисли и за дозвола за влез на државјани од уште неколку европски земји.
Сепак, Норвешка дозволи влез на сезонски работници кои работат земјодели, рибарство и во нафтената индустрија под услов при доаѓањето во земјата да помина 10 дена во карантин.